Baılanys mınıstrligi uıaly baılanys operatorlaryn «ınterkonnekt» baǵasyn tómendetýge shaqyrdy
ASTANA. Tamyzdyń 18-i. QazAqparat - QR Baılanys jáne aqparat mınıstrliginde GSM halyqaralyq qaýymdastyǵy, «Kar-Tel» JShS jáne QR Básekelestikti qoldaý agenttigi ókilderimen «ınterkonnekt» (jeliaralyq qosylymdar) aqysyn tómendetý jóninde kezdesý ótti, dep habarlady QR Baılanys jáne aqparat mınıstrliginiń baspasóz qyzmeti..
Aıtylǵan kezdesý Baılanys jáne aqparat mınıstrliginiń uıaly baılanys qyzmetiniń tarıfterin tómendetýge arnalaǵan sharalar aýqymynda ótken bolatyn. 2010 jyldyń shilde aıynda mınıstr Asqar Jumaǵalıevtiń Qazaqstannyń operatorlar keńesimen otyrysynda, kompanııalar jaqyn arada «ınterkonnekt» eseptik stavkalary boıynsha qyzmetteriniń baǵasyn tómendetýge arnalǵan usynystaryn berýge ýáde bergen bolatyn.
Kezdesýdiń basynda Baılanys jáne aqparattandyrý komıtetiniń tóraǵasy R.Nurshabekov, jeliaralyq uıaly baılanys qyzmetteriniń aqysy 1999 jyldan beri ózgermeı kele jatqanyn aıtty. Onyń aıtýynsha, bul uıaly baılanys qyzmetteriniń tarıfterin tómendetýge kedergi keltiredi.
Qazaqstandaǵy jeliaralyq tarıfterdiń joǵary deńgeıin halyqaralyq sarapshylar da qýattap, olardy tómendetýge óz usynystaryn berdi. Halyqaralyq tájirıbede ártúrli ádister qoldanylǵan. Keıbir elderde tómendeý birtindep ótse, basqalarynda (Túrkııada) jyldam ótti.
Kezdesýdiń sońynda, R.Nurshabekov, mınıstrlik operatorlardan «ınterkonnekt» aqysyn tómendetý týraly jalpy sheshimderin kútetinin aıtty. Bul máseleni sheshýde, halyqtyń da, operatorlardyń da tilekterin eskere otyryp, durys sheshimdi tabý qajet.
