Baıqońyrlyqtar Qala jáne ǵarysh kúnin atap ótýde

BAIQOŃYR. QazAqparat - Búgin Baıqońyrda ǵarysh aılaǵy men qala qurylýynyń 62 jyldyǵyn atap ótýde, dep habarlady «QazAqparat» HAA tilshisi.

Merekelik shara S.P. Korolevtiń eskertkishine gúl shoqtaryn qoıýdan bastaldy, sodan keıin baıqońyrlyqtar men qala qonaqtary ǵaryshqa tuńǵysh jol salýshylardy eske alý úshin qaza tapqan zymyranshylardyń memorıalyna bardy.

Saltanatty jıynda Baıqońyr qalasy ákimshiliginiń basshysy Anatolıı Petrenko «Baıqońyr qalasynyń qurmetti azamaty» ataǵyn tapsyrý rásimin ótkizdi. Bıyl Baıqońyrdyń eńbek sińirgen adamdarynyń tizimi ǵarysh aılaǵynyń eki ofıtserimen tolyqty. Polkovnık  Anatolıı Belokon  men general-maıor  Vladımır  Tomchýkke joǵary ataq tólsıpaty tabys etildi.

Keshke merekelik baǵdarlama qalalyq alańda «Baıqońyr  - meniń qalam, meniń otbasym!» atty otbasylyq áýlet jáne kóp balaly otbasylar festıvalimen jalǵasady.