Baıqońyrlyq saılaýshylardyń 98,83 paıyzy Nursultan Nazarbaevqa daýys berdi
QR Prezıdenttigine úmitker Turǵyn Syzdyqovqa Baıqońyr saılaýshylarynyń 0,58%-y, taǵy bir kandıdat Ábilǵazy Qusaıynovqa 0,25%-y daýys berdi. «Mańyzdy saılaý naýqanyn ótkizý úshin saılaý komıssııasyna kómektesý úshin qalanyń reseılik ákimshiligi qurǵan jedel tobymyzdyń mindeti sátti oryndaldy», - dedi M.Moskalev. QR Prezıdentiniń kezekten tys saılaýy «Baıqońyr» ǵarysh aılaǵy kesheniniń aýmaǵynda joǵary uıymdastyrýshylyqpen ótti. Buryn habarlaǵandaı, «Baıqońyr» kesheninde turatyn qazaqstandyqtar prezıdenttik saılaýǵa belsendi qatysty. Mundaǵy saılaýshylardyń saılaýǵa kelý kórsetkishi 95,2 paıyzdy qurady. «Nursultan Nazarbaevqa daýys berdik. Óıtkeni memleketaralyq múddelerdiń nysany bolyp tabylatyn Baıqońyrda turǵandyqtan, Memleket basshysy júrgizip kele jatqan halyqaralyq yntymaqtastyqty, elimizdiń turaqtylyq saıasatyn erekshe baǵalaımyz», - dep sanaıdy baıqońyrlyqtar.