Baıqońyrlyq oqýshylar Elbasyna ózderi salǵan ǵarysh sýretterdi tartý etti
«Jas baıqońyrlyqtardyń patrıottyq aktsııasyn barlyq mektep qoldady. «Jerdiń birinshi jasandy seriginiń ushyrylýy - Baıqońyr balalarynyń kózimen!» mereıtoılyq aktsııasy qatysýshylarynyń shyǵarmashylyq jumystary búgin Qazaqstan Prezıdenti Nursultan Nazarbaevqa jiberildi», - dep málimdedi Baıqońyr qalalyq ákimshiliginiń baspasóz qyzmeti.
Sýretterdiń bir bóligi buryn RF prezıdenti V. Pýtınge de jiberilgen. Sondaı-aq ǵaryshtyń kishkentaı janashyrlary salǵan sýret RF Memlekettik dýmasynyń depýtattary: Gennadıı Zıýganov, Maksım Sýraev, Denıs Kravchenko, Oksana Pýshkına, Alekseı Rýsskıh jáne Aleksandr Maksımovke de tabys etildi.
21 jeltoqsanda sýretter RF Qoǵamdyq palatasynda kórmege qoıyldy. Jýyrda Baıqońyr elshileriniń qataryna qosylǵan RF Bilim, ǵylym mınıstrliginiń qyzmetkeri Vera Tıatenkovanyń bastamasymen uıymdastyrylǵan kórme bir aıǵa jalǵasady.