Baıqońyrlyq azamat aqsha alý úshin anasyn pyshaqpen qorqytqan
QYZYLORDA. QazAqparat - Baıqońyr qalalyq sotynda anasynan aqsha alý úshin ony pyshaqpen qorqytqan jigitke qatysty qylmystyq is qaraldy, dep habarlaıdy QazAqparat tilshisi.
Qazaqstan Respýblıkasy Qylmystyq kodeksiniń 115-babymen sottalýshy B.-ǵa qatysty qylmystyq is buıryqtyq is júrgizý tártibimen júrgizildi. Baıqońyr qalalyq sotynyń málimetine súıensek, oqıǵa barysy bylaı órbigen. B. esimdi azamat Baıqońyr qalasyndaǵy Abaı dańǵyly boıynda ornalasqan páterde janjal shyǵarǵan. Janjal barysynda aıyptalýshy ashana pyshaǵymen aqsha bermegeni úshin anasyn «óltiremin, pyshaqtaımyn» dep qorqytady.
«Atalǵan is áreketi arqyly azamat B. QR QK-niń 115-babyna saı zańǵa qaıshy áreket jasaǵan», - dep habarlaıdy Baıqońyr qalalyq sotynyń baspasóz qyzmeti.
Sot sottalýshy B.-ny Qazaqstan Respýblıkasy Qylmystyq kodeksiniń 115-babymen kináli dep tanyp, 20 aılyq eseptik kórsetkish mólsherinde (48100 teńge) aıyppul salýǵa úkim etti.
