Baıqońyrdyń gımnine jarııalanǵan baıqaý nátıjesiz aıaqtaldy
BAIQOŃYR. QazAqparat - Baıqońyr qalasynyń gımnine jarııalanǵan baıqaý komıssııasy usynylǵan alty mýzykalyq kompozıtsııanyń eshqaısysyn bekitpedi, dep habarlaıdy «QazAqparat» HAA tilshisi.
Buryn baıqaýdyń bastapqy kezeńinde Baıqońyr qalasynyń bolashaq gımnine jazylǵan mátin tańdalyp, oǵan tek mýzyka jazý ǵana qaldy dep habar berilgen. Baıqońyrdyń 1998 jyly jáne 2001 jyly qabyldanǵan gerbi men týy da osyndaı konkýrstar arqyly iriktep alynǵan edi.
2017 jylǵy 4 qazanda ushyrylǵan Jerdiń tuńǵysh jasandy seriginiń 60 jyldyǵyna arnalǵan saltanatta baıqońyrlyqtar qalanyń arnaıy gımnin shyrqaýdy josparlaǵan. Qalanyń mádenıet, jastar saıasaty, týrızm jáne sport basqarmasy Baıqońyrdyń gımnine jazylǵan shyǵarmalar baıqaýyn qaıta uıymdastyrý týraly arnaıy habarlaıtynyn málimdedi.
