Baıqońyrdan ushyrylǵan «Proton-M» zymyran-tasyǵyshy alǵashqy mınýttarda jarylyp, jerge qulady. VIDEO

ASTANA. 2 shilde. QazAqparat - GLONASS úsh jerserigi bar «Proton-M» zymyran-tasyǵyshy «Baıqońyr» ǵarysh aılaǵynan ushyrylǵannan keıingi alǵashqy mınýtta jerge qulady.

Ushyrylym «Reseı 24» arnasynan tikeleı efır arqyly kórsetildi. Zymyrandy iske qosý kezinde shtattan tys jaǵdaı oryn alǵany habarlanýda. «Proton-M» DM-03 údetkish blogymen jaraqtandyrylǵan bolatyn.

Tuńǵysh ret DM-03 údetkish blogy 2010 jyly ornatyldy. Onda qurastyrý qujatyndaǵy qateliktiń saldarynan, zymyran-tasyǵysh 3 jer serikti orbıtaǵa jetkize almaǵan bolatyn.