Baıqońyrdan ushyrylǵan Angola spýtnıgimen baılanys joǵaldy
ASTANA. QazAqparat -26 jeltoqsan kúni Baıqońyrdan ushyrylǵan Angolanyń «Angosat» spýtnıgimen baılanys ázirge jolǵa qoıylmaı jatyr.
Bul týraly TASS habarlaıdy.
«Angosat» spýtnıgimen ázirge baılanys ornaǵan joq, jaǵdaıdyń sebepterin anyqtap jatyrmyz»,-dedi agenttikke suhbat bergen adam.
TASS taratqan aqparat áli resmı naqtylanǵan joq, sebebi suhbat bergen maman jaǵdaıdyń tolyǵymen túsindirip bermegen.
Esterińizge sala keteıik, 26 jeltoqsan kúni saǵat 22:00-de «Baıqońyr» ǵarysh aılaǵynan «Zenıt-S2B» zymyran tasyǵyshpen «Angosat» ǵaryshtyq apparaty shtattyq rejimde ushyryldy. 27 jeltoqsan kúni 06:54-te apparat jedeldetý blogynan ajyrady.
