Baıqońyrdan ushqan zymyrannyń jarqyraýy almatylyqtardy tańǵaldyrdy
ALMATY. QazAqparat - Almaty turǵyndaryn túngi aspandaǵy zymyran izderi tańǵaldyrdy. Turǵyndar jelige túngi aspanda túsirilgen erekshe sýretterdi jelilerde jarııalap jatyr, dep habarlaıdy QazAqparat tilshisi.
Rocket
Belgili bolǵandaı, 10 shilde kúni túngi jergilikti ýaqytpen 03:51-de Baıqońyr ǵarysh aılaǵynan «Progress MS-09» júk kemesi «Soıýz-2.1a» raketasymen ushty.
Roskosmostyń Feısbýktegi paraqshasynda zymyrannyń ushý protsesiniń sýreti men vıdeosy jarııalanǵan.
«Júk kemesi 3 saǵat 40 mınýtta Halyqaralyq ǵarysh stansasymen túıisti. «Progress MS-09» halyqaralyq ǵarysh stansasyna 2 tonnaǵa jýyq júk, onyń ishinde otyn, syǵylǵan gaz, «Orlan-MKS» skafandryn, ǵylymı jumystarǵa arnalǵan quraldar, medıtsınalyq dármekter jetkizdi», - delingen paraqshada.
