Baıqońyrdan Soıýz MS-23 ǵarysh kemesi ushyrylady
Halyqaralyq ǵarysh stansasynyń quramyna kiretin eki reseılik kemelerdiń buzylýynan keıin Roskosmos komıssııasy jańa «Soıýz MS-23» ǵarysh kemesin ushyrý aldynda tótenshe jaǵdaılardyń barlyq yqtımal sebepterin tekserýge ýaqyt bólgendikten ushyrý keıinge qaldyrylǵan.
«11 aqpanda halyqaralyq ǵarysh stansasynda bolǵan «Progress MS-21» júk kemesi jylýdy basqarý júıesindegi qysymdy tómendetkennen keıin Roskosmos kásiporyndarynyń mamandary alynǵan telemetrııalyq aqparat pen kemeniń syrtqy betiniń sýretterin muqııat taldady. Sondaı-aq olar Baıqońyrdyń 254-shi ýchaskesiniń montajdaý-synaq korpýsynda ornalasqan «Soıýz MS-23» ǵarysh kemesindegi radıatordy egjeı-tegjeıli tekserip, odan eshqandaı aqaý tapqan joq», - dep habarlaıdy Roskosmostyń baspasóz qyzmeti.
Nátıjesinde bas konstrýktorlar keńesi memlekettik komıssııaǵa iske qosýdy usyndy. «Soıýz-2.1a» zymyran-tasymaldaǵyshyn «Soıýz MS-23» ushqyshsyz ǵarysh kemesimen ushyrý 2023 jylǵy 24 aqpanda Astana ýaqyty boıynsha saǵat 06:34-te Baıqońyr ǵarysh aılaǵynyń 31-shi alańynan ushyrylady dep josparlanǵan.
Sara Qabıqyzy
