Baıqońyrdan «Soıýz 2.1a» zymyranyn qaıta ushyrýǵa daıyndyqty tikeleı efırden kórsetip jatyr

BAIQOŃYR. QazAqparat - Baıqońyr ǵarysh aılaǵynda ushyrýy eki táýlikke keıin shegerilgen «Progress MS-07» júk kemesi bar «Soıýz 2.1 a» tasyǵysh-zymyranyn áýege jiberýge sońǵy daıyndyqtary aıaqtalyp jatyr, dep habarlaıdy «QazAqparat» HAA tilshisi.

Roskosmos saıtynda Baıqońyr ǵarysh aılaǵynyń 31 alańyndaǵy ushyrý daıyndyqtaryn tikeleı efırden kórsetip jatyr. Zymyrandy áýege jiberi Astana ýaqytymen 14 saǵat 46 mınýtqa belgilengen.

Ǵarysh aılaǵynyń mamandary habarlaǵandaı, eski, eki kúndik baǵdarlama boıynsha HǴS-ǵa júk kemesin ushyrý týraly sheshim qabyldandy. 12 qazanda ushyrylmaı qalǵan zymyrandy alǵash ret qysqa, úsh saǵattyq júıe boıynsha júrgizý josparlanǵan edi.