Baıqońyrdan «Soıýz-2.1a» zymyran tasyǵyshy ushyrylady

BAIQOŃYR. QazAqparat - 8 shilde kúni kúndiz «Progress MS-09» kóliktik júk kemesi bar «Soıýz-2.1a» zymyran tasyǵyshy Baıqońyr ǵarysh aılaǵynyń №31 ushyrý alańyna shyǵarylyp, ornatyldy, dep habarlaıdy QazAqparat tilshisi.

Búgin, 9 shilde kúni Baıqońyrda ǵaryshtyq maqsattaǵy «Soıýz-2.1a» raketasyna otyn komponentterin quıýǵa jáne ony ushyrýǵa ruqsat berý máselesi qaralatyn memlekettik komıssııanyń otyrysy ótedi. Bul týraly Reseı ǵarysh agenttiginen málim etti.

Baıqońyr ǵarysh aılaǵynan ushyrylym 10 shilde Astana ýaqytymen saǵat 03.51-ge belgilengen. Habarlanǵandaı, «Progress MS-09» ǵaryshtyq júk kemesin ushyrylymǵa daıyndaý jáne ony ushyrý sátteri Reseı ǵarysh agenttiginiń saıtynda jáne onyń VKontakte áleýmettik jelisindegi resmı paraqshasynda tikeleı júrgiziledi. Onlaın ushyrylymǵa eki saǵat qalǵanda bastalady.

Kóliktik júk kemesi Halyqaralyq ǵarysh stansasyna qajetti júkterdi jáne orbıtada jumys istep jatqan eki ekspedıtsııaǵa tirshilikke qajetti zattardy jetkizedi.