Baıqońyrdan «Proton-M» zymyranyn ushyrý 21 shildege belgilendi

BAIQOŃYR. QazAqparat – Memlekettik komıssııa Halyqaralyq ǵarysh stansasyna «Naýka» jańa zerthanalyq modýlin ushyrý merzimin belgiledi, dep habarlaıdy QazAqparat.

Baıqońyr ǵarysh aılaǵynyń № 200 ushyrý alańynan bortynda «Naýka» modýli bar «Proton-M» zymyran-tasyǵyshynyń starty 2021 jylǵy 21 shildede, jergilikti ýaqyt boıynsha saǵat 17:58-ge (Nur-Sultan ýaqytymen saǵat 20:58:21) belgilengen. Ushyrýdyń sondaı-aq rezerv ýaqyty da ataldy – bul 22 jáne 23 shilde.

Bastapqyda ushyrý 15 shildege belgilengen, alaıda ushar basyndaǵy jumystardan keıin «Naýka» modýli montajdaý-synaý korpýsyna qaıtarylyp, ushyrý bir aptaǵa keıin qaldyryldy.

Reseılik BAQ aqparatynsha, mamandar qurastyrý kezinde juldyz sensorlaryn ekran-vakýýmdy jylý oqshaýlaǵyshpen jabýdy umytyp ketken.

Buǵan deıin anyqtalǵan eskertýler joıyldy. Qazirgi kezde ǵaryshtyq bas bólik otyn quıý-beıtaraptandyrý stansasynda ornalasqan – bul ushyrýdyń sońǵy kezeńiniń eń mańyzdy bóligi. delingen Roskosmos taratqan baspasóz relızinde.

«Naýka» modýliniń HǴS-qa ushýy 8 táýlikke sozylady, «Zvezda» qyzmettik modýline qosylýy 29 shildege belgilengen.

«Naýka» zerthanalyq modýlin paıdalaný bergennen soń HǴS-tyń reseılik segmenti qosymsha jumys orny men júk saqtaý, sý men ottegini regeneratsııalaıtyn apparatýra ornalasatyn oryndy ıelenedi. ıAǵnı ǵaryshkerlerdiń jaǵdaıy jaqsaryp, jaıly bolady, sondaı-aq HǴS barlyq ekıpajynyń qaýipsizdigi kúsheıedi.

Avtory Sara Kábıqyzy