Baıqońyrdan «Proton-M» zymyrany ushyryldy

BAIQOŃYR. QazAqparat - Juma kúni tańerteń Baıqońyr ǵarysh aılaǵynan ǵarysh apparaty bar reseılik «Proton-M» zymyran tasyǵyshy ushyryldy. Bul týraly TASS agenttigi RF Qorǵanys mınıstrliginiń Aqparat jáne buqaralyq kommýnıkatsııa departamentine silteme jasap habarlady.

«Juma, 21 jeltoqsan kúni saǵat 6.20-da (máskeý ýaqytymen 03 saǵat 20 mınýt) Baıqońyr ǵarysh aılaǵynan (Qazaqstan) Reseı Qorǵanys mınıstrliginiń múddesindegi ǵarysh apparaty bar aýyr sanattaǵy «Proton-M» zymyran tasyǵyshy sátti ushyryldy», - delingen departament habarlamasynda.

Sondaı-aq málim etilgendeı, «Proton-M» zymyran tasyǵyshynyń basty bóliginiń úshinshi satydan ajyraýy shtattyq rejimde ótti.

Ǵarysh apparatyn «Brız-M» údetkish blogymen orbıtaǵa shyǵarý protsesi birneshe saǵatqa sozylady.

 

Foto: Sergeı Savostıanov/TASS