Baıqońyrdan «Proton-M» qaıta ushyryla bastaıdy

BAIQOŃYR. QazAqparat - «Proton-M» zymyran-tasyǵyshynyń 2017 jylǵy alǵashqy ushyrylymy mamyr aıynyń basyna josparlanyp otyr. Bul týraly jýrnalısterge ǵaryshqa ushyrý quraldary jáne jerústi ınfraqurylym jónindegi bas qurastyrýshy Aleksandr Medvedev málim etti, dep habarlaıdy «QazAqparat» HAA tilshisi «Ǵarysh jańalyqtary» saıtyna silteme jasap.

Eske sala keteıik, Baıqońyrdan «Proton-M» zymyran-tasyǵyshy sońǵy ret 2016 jyldyń maýsym aıynda ushyrylǵan edi. Keıin, «Proton-M» zymyran-tasyǵyshtaryn ǵaryshqa attandyrý qozǵaltqyshtarda anyqtalǵan aqaýǵa baılanysty toqtatyldy.

2017 jylǵy mamyr aıynyń sońyna josparlanǵan «Proton-M»-niń ushyrylymy kezinde orbıtaǵa EchoStar 21 ǵarysh apparaty jiberiletin bolady. Ol orbıtaǵa jospar boıynsha 2016 jyldyń birinshi toqsanynda jetkizilýi tıis edi.

Qazaqstan bekitken «Baıqońyr» ǵarysh aılaǵynan zymyran-tasyǵyshtardy ushyrý kestesine sáıkes, jyl sońyna deıin federaldy ǵarysh baǵdarlamasy boıynsha jáne kommertsııalyq tapsyrys berýshilerdiń múddesine oraı «Protondardyń» jeti ushyrylymyn júzege asyrý josparlanǵan.