Baıqońyrdan OneWeb spýtnıginiń jańa partııasyn ushyrý josparlanyp otyr

BAIQOŃYR. QazAqparat – 22 tamyzda Baıqońyr ǵarysh aılaǵynan «Soıýz-2.1b» zymyran-tasyǵyshy jáne «Fregat» údetý blogynyń kómegimen 34 OneWeb ǵarysh apparaty sátti ushyryldy. Taǵy úsh kúnnen keıin, 25 tamyz kúni Baıqońyrǵa OneWeb spýtnıginiń kezekti partııasy jetkizilgen, dep habarlaıdy QazAqparat.

Reseıdiń ǵarysh agenttigi baspasóz qyzmetiniń habarlaýynsha, 34 ǵarysh apparatyn «Kraınıı» áýejaıyna An-124 ushaǵy jetkizgen. «ıÝjnyı» ǵarysh ortalyǵynyń mamandary spýtnıkterdi Baıqońyr ǵarysh aılaǵynyń №124 alańyna jetkizdi.

Tehnologııa sharasynyń kelesi kezeńi – tehnıkalyq keshendegi apparattardy ázirleý. «Fregat» údetý blogy jáne OneWeb ǵarysh apparattarynyń jańa partııasy bar «Soıýz-2.1b» zymyran-tasyǵyshyn № 36 mıssııa aıasynda ushyrý 2021 jyldyń 14 qyrkúıegine josparlanǵan. 22 tamyzdaǵy ushyrylym men alda josparlanǵan ushyrylym aralyǵy bir aptadan asady.

Búginde OneWeb spýtnıkter tizbegi 288 ǵarysh apparatynan turady, taǵy júzdegen basqa apparatty ushyrý josparlanyp otyr. Aldaǵy ushyrylymnan keıin orbıtadaǵy OneWeb ǵarysh apparatynyń sany 322-ge deıin jetedi. Tómen orbıtadaǵy OneWeb ǵarysh apparattary jerdegi tutynýshylardy jyldamdyǵy joǵary ınternetpen qamtamasyz etýge arnalǵan.