Baıqońyrdan kezekti zymyran-tasyǵysh ushyrylady

BAIQOŃYR. QazAqparat –«Roskosmos» ǵarysh qyzmeti jónindegi memlekettik korporatsııasy 1 jeltoqsanda Baıqońyr ǵarysh aılaǵynan kezekti zymyran-tasyǵyshty ushyrady, dep habarlaıdy QazAqparat tilshisi.

«Roskosmos» 2019 jyldyń basynan beri ǵaryshtyq maqsattaǵy 20 zymyrannyń jáne 12 jaýyngerlik zymyran kesheniniń ushyrylymyn jasady. Jyl sońyna deıin ǵaryshtyq maqsattaǵy – 9 ushyrylymdy jáne jaýyngerlik zymyrandardyń ushyrylymdaryn oryndaýdy kózdep otyrmyz. Sonda barlyǵy 40-tan astam (jyl boıy) bolady», - dedi «Roskosmos» basshysy Dmıtrıı Rogozın keshe Tsıolkovskıı atyndaǵy Reseı ǵarysh akademııasynyń otyrysynda.

Reseı Baıqońyr ǵarysh aılaǵynan júzege asyrǵan ushyrylymdar statıstıkasyna súıensek, 2019 jyly 11 zymyran ǵaryshqa attandyryldy. Olardyń tórteýi - «Proton-M», qalǵan jeteýi - «Soıýz».

Al jyl sońyna deıin Baıqońyrdan «Soıýz-2» zymyran-tasyǵyshynyń taǵy bir ushyrylymy jasalady. Ol orbıtaǵa «Progress MS-13» júk kemesin shyǵarýy tıis. Start 1 jeltoqsanǵa belgilengen.