Baıqońyrdan Halyqaralyq ǵarysh stansasyna «Progress M-08M» júk kemesi ushyryldy
BAIQOŃYR. Qazannyń 28-i. QazAqparat /Sara Qabıqyzy/ - Sársenbi, qazannyń 27-sinde, Astana ýaqyty boıynsha 21 saǵat 19 mınýtta «Baıqońyr» ǵarysh aılaǵynyń Gagarındik ushý alańynan «Progress M-08M» júk kemesi ornatylǵan «Soıýz-Ý» zymyrany sátti ushyryldy.
«Reseıǵarysh» agenttiginiń baspasóz qyzmetinen habarlaǵandaı, zymyrantasymaldaǵyshtyń úshinshi satysy shtattyq rejımde ajyraǵannan keıin, «Progress M-08M» júk kemesi Jerdiń jasandy seriginiń orbıtasyna shyǵarylǵan.
Halyqaralyq ǵarysh stansasynyń baǵdarlamasyna sáıkes «Progress» stansaǵa 2,5 tonnadan astam júk, atap aıtqanda otyn, ǵylymı jáne bort jabdyqtaryn, azyq-túlikter, ekıpaj úshin aýa men sý, basqa da materıaldar jetkizedi.
