«Baıqońyrdan» aman-esen ushqan «Progress M-04M» júk kemesi Halyqaralyq ǵarysh stansysymen eki táýlikten keıin túıisedi
BAIQOŃYR. Aqpannyń 3-i. QazAqparat /Sara Qabıqyzy/ - Búgin Máskeý ýaqyty boıynsha saǵat 06.45-mınýtta «Baıqońyr» ǵarysh aılaǵynyń №1 alańynan «Progress M-04M» júk kemesimen «Soıýz-Ý» zymyrantasymaldaǵyshy ushyryldy,
dep habarlaıdy «Reseıǵarysh» agenttiginen.
Qazǵaryshtyń jedel qyzmetteriniń aqparaty boıynsha, ushyrý sapary shtattyq rejımde ótti, zymyrannyń ajyraıtyn bólshekteri Qazaqstannyń Qaraǵandy, Shyǵys Qazaqstan oblystary men Reseıdiń Altaı ólkesiniń belgilengen aýdandaryna qulady.
Júk kemesi Halyqaralyq ǵarysh stansysymen aqpannyń 5-i kúni Máskeý ýaqyty boıynsha saǵat 07.26 mınýtta túıisedi. «Progress M-04M» stansyǵa 1 600 keliden astam túrli júk jetkizedi.
