Baıqońyrdaǵy «Proton» apatyna oraı Qazaqstanda úkimettik komıssııa qurylady
Bul týraly Úkimette Premer-Mınıstr Serik Ahmetovtiń jetekshiligimen ótken shuǵyl otyrysta málim boldy.
Shuǵyl keńeste Tótenshe jaǵdaılar mınıstri Vladımır Bojko, Іshki ister mınıstri Qalmuhanbet Qasymov jáne Ulttyq ǵarysh agenttiginiń tóraǵasy Talǵat Musabaev oqıǵa ornynda halyqtyń qaýipsizdigin qamtamasyz etý úshin atqarylyp jatqan jedel sharalar týraly habarlady.
Atap aıtqanda, ishki ister mınıstri Qalmuhanbet Qasymov Qazaly aýdanynyń polıtsııa bólimi dabyl boıynsha ázirlikke kiriskenin jetkizdi.
Eske salaıyq, DM-03 údetkish blogy jáne «Glonass-M» úsh reseılik navıgatsııalyq ǵarysh apparaty bar «Proton-M» zymyran-tasyǵyshynyń búgin Astana ýaqyty boıynsha saǵat 08.38-de «Baıqońyr» ǵarysh aılaǵynyń №81 alańynan jasalǵan ushyrylymy apatpen aıaqtalǵan bolatyn. QR Ulttyq ǵarysh agenttiginde rastaǵandaı, «Proton-M» zymyran-tasyǵyshy ushyrylymnan keıin 10 sekýndtan soń jerge qulap, jaryldy. Atalmysh ushyrylymnyń maqsaty - orbıtadaǵy «GLONASS» reseılik tobyn tolyqtyrý.