Baıqońyrdaǵy qazaq mektepteriniń barlyǵyn Reseı qarjylandyryp otyr
ASTANA. Aqpannyń 23-i. QazAqparat /Qanat Mámetqazyuly/ - Baıqońyr qalasyndaǵy qazaq mektepteriniń barlyǵyn Reseı qarjylandyryp otyr. Bul týraly búgin QR Parlamenti Májilisinde «QR men RF arasyndaǵy «Baıqońyr» keshenin tıimdi paıdalaný jónindegi yntymaqtastyqty damytý týraly kelisimdi ratıfıkatsııalaý týraly» zań jobasyn talqylaý barysynda málim boldy,
dep habarlaıdy QazAqparat.
Jobany talqylaý barysynda depýtattar Baıqońyr qalasyndaǵy el azamattarynyń áleýmettik-ekonomıkalyq jáne quqyqtyq jaǵdaıyna qatysty oryn alyp otyrǵan problemalardy kótergen bolatyn. Máselen, depýtat Ýálıhan Qalıjan búgingi kúni Baıqońyr qalasynda jalpy bilim beretin 14 mektep jumys istese, sonyń 6-ýy qazaq tilinde oqytatynyn, biraq bulardyń baǵdarlamalarynyń barlyǵy Reseı standartyna sáıkestelgenin aıtty. «Endeshe, bul mektepterge qazaq tili men ádebıetin, geografııany qosyp, aýdarmamen qazaqsha oqysyn dep kirgizip qoısaq, bul qazaq mektebi sanala ma eken?! Kerisinshe, qazaq mektepterinde taza qazaq baǵdarlamalary oqytylyp, arakidik Reseı standarttaryna sáıkes basqa pánder oqytylýy shart qoı», dedi Ý. Qalıjan.
Óz kezeginde jıynǵa qatysqan Bilim jáne ǵylym mınıstrliginiń ókili eń aldymen Baıqońyr qalasyndaǵy mektepterdiń barlyǵyn (onyń ishinde qazaq mektepterin de) Reseı tarapy qarjylandyryp otyrǵanyn alǵa tartty. Sondyqtan da, oqý baǵdarlamalarynda sol eldiń standarttary basym bolyp otyrǵanǵa uqsaıdy. «Degenmen, orys tilindegi 8 mektep tolyq Reseı standartymen oqytylsa, qalǵan 6 mektep 2006 jyldan bastap Qazaqstan standartyna kezeń-kezeńmen óte bastady. Búgingi kúni 1-3 synyptar Reseı standartymen, al 4-11-ge deıingi synyptar Qazaqstannyń standartymen oqyp jatyr. Bul jerde, Reseı standarty bastan-aıaq kóshirilip, aýdarylyp otyrǵan joq, oqýlyq mazmuny men qurylymy elimizdiń baǵdarlamasyna uqsatylǵan. Budan bólek, atalǵan 6 mektepte tórt pán - qazaq tili, qazaq ádebıeti, Qazaqstan tarıhy men geografııasy engizilgen. ıAǵnı, bul bilim oshaqtarynda negizinen Reseı standarttary qoldanylǵanyna qaramastan, óz materıaldarymyz molynan paıdalanylady», dedi mınıstrliktiń ókili.
