Baıqońyrda zymyran modeldik sporty boıynsha halyqaralyq jarystar bastaldy

BAIQOŃYR. QazAqparat - Baıqońyr qalasynda «Jastarǵa aeroǵaryshtyq bilim berýdegi zymyran modeldeý» dástúrli jyl saıynǵy halyqaralyq konferentsııasy óz jumysyn bastady, dep habarlaıdy QazAqparat tilshisi.

22-shi ret uıymdastyrylyp jatqan konferentsııa aıasynda birneshe jarys túri ótedi. Atap aıtqanda, jastar arasynda zymyran modeldeý sporty boıynsha  «Baıqońyr-2018 kýbogy», «Chelomeı kýbogy» álem kýbogynyń kezeńi jáne «Qorqyt ata kýbogy» álem kýbogynyń kezeńi bolady.

Zymyran modeldeý jarystaryna Reseı, Qazaqstan, Ýkraına, Belarýs jáne Ózbekstannan 60 sportshy qatysady.

Uıymdastyrýshylardyń bastysy - V. N. Chelomeı atyndaǵy halyqaralyq ǵarysh mektebi habarlaǵandaı, modelderdi ushyrý «kishi aılaqta» - Baıqońyr mańyndaǵy Elshibaı jol aıryǵy aýmaǵynda ótedi.

Halyqaralyq jarystar quryltaıshylarynyń quramynda Reseı men Qazaqstannyń ondaǵan uıymy bar. Al KSRO eńbek sińirgen sport sheberi, úsh dúrkin álem chempıony, zymyran modeldeý sporty boıynsha Reseı qurama komandasynyń bas jattyqtyrýshysy  Alekseı Korıapın bastaǵan halyqaralyq qazylar alqasy nátıjege baǵa beredi.

Baıqońyrdaǵy jarystar on kúnge sozylady. Bul shara Halyqaralyq ǵarysh stansasynyń 20 jyldyǵyna arnalǵan.