Baıqońyrda jazǵy ushyrylymdarǵa daıyndyq júrip jatyr

BAIQOŃYR. QazAqparat - «Baıqońyr» ǵarysh aılaǵynda Halyqaralyq ǵarysh stansasyna (HǴS) áýe kemelerin ushyrýǵa daıyndyq jumystary qarqyndy júrýde, dep habarlaıdy QazAqparat tilshisi.

Qazirgi tańda «Soıýz-FG» zymyran tasyǵyshynyń birinshi jáne ekinshi saty bloktaryn mehanıkalyq qurastyrý aıaqtaldy. Ol 2019 jylǵy 20 shildede jańa uzaqmerzimdi ekspedıtsııa múshelerin Halyqaralyq ǵarysh stansasyna jetkizetin «Soıýz MS-13» áýe kemesin orbıtaǵa shyǵarýy tıis. Bul týraly «Roskosmos» baspasóz qyzmetinen habarlady.

Negizgi ekıpaj quramyna ǵaryshker Aleksandr Skvortsov, astronavtar Lýka Parmıtano men Endrıý Morgan, sondaı-aq qosalqy quramǵa - Sergeı Ryjıkov, Tomas Marshbern jáne Soıchı Nogýchı kirdi.

«Soıýz MS-13» ekpajdary aldaǵy aptada Baıqońyrǵa keledi dep josparlanǵan.

Sonymen qatar «Soıýz MS-14» transporttyq kemesin ushyrýǵa da daıyndyq jumystary júrp jatyr. Roskosmos mamandary ony vagonnan shyǵaryp, synaq alańyna qoıdy. Jaqyn arada «Soıýz» tekserilip, jerústi tekserý apparatýrasyna kommýnıkatsııa jalǵanady.

«Soıýz MS-14» ushyrý bıylǵy 22 tamyzǵa josparlanǵan. OL ushqyshsyz rejimde júrgiziledi.

Avtor: Sara Qabıqyzy