Baıqońyrda túske deıin saılaýshylardyń teń jartysy derlik óz tańdaýyn jasap úlgerdi
QOŃYR. 3 sáýir. QazAqparat /Sara Qabıqyzy/ - Baıqońyr qalasynda turatyn Qazaqstan Respýblıkasynyń azamattary QR Prezıdentiniń kezekten tys saılmaýyna belsendi atsalysýda.
Baıqońyrda Qazaqstan Prezıdentiniń saılaýyn ótkizýdi uıymdastyrýda ýchaskelik saılaý komıssııalaryna qoldaý kórsetý jónindegi jedel toptyń aqparatyna súıensek, jergilikti ýaqyt saǵat 12.00-degi jaǵdaı boıynsha baıqońyrlyq qazaqstandyqtardyń 44,5 paıyzy daýys berip bolǵan.
Jedel top tóraǵasynyń orynbasary, Baıqońyr qalasynyń Ózin-ózi basqarý qoǵamdyq keńesiniń tóraǵasy Mıhaıl Moskalevtiń aıtýynsha, saılaý joǵary deńgeıde uıymdastyrylyp otyr. «Bul jedel toptyń, ýchaskelik jáne saılaý komıssııalarynyń, sondaı-aq Qyzylorda oblysy Qarmaqshy aýdandyq ákimdiginiń birlesken jumysynyń nátıjesi», - dedi ol.
