Baıqońyrda týrıstik oıyn-saýyq ortalyǵy qurylady

BAIQOŃYR. QazAqparat -Baıqońyr qalasy mańynan týrıstik oıyn-saýyq ortalyǵy qurylady, dep habarlaıdy QazAqparat tilshisi.

Bul týraly oblystyq kásipkerlik jáne týrızm basqarmasy basshysynyń orynbasary Dinmuhamed Bolatbekov aıtty.

«Týrıstik oıyn-saýyq ortalyǵynyń jalpy aýmaǵy 50 gektarǵa jetpek. Onda ǵarysh attraktsıondary bolady dep josparlanyp otyr. Zymyran ushyrylǵan kezde qarap turǵan adamǵa olardyń dybysy estiletin bolady. Árıne, ázirge bul joba kúıinde tur. Dese de ony tıisty oryndar nazaryna usynyp úlgerdik. Qazir osy maqsatta ınvestor izdeýge mán berildi», - dedi Dinmuhamed Bolatbekov.

Basqarma basshysy orynbasarynyń sózine qaraǵanda, ortalyq týrızmin damýyna óz úlesin tıgizbek.

Aıta keteıik, jaqynda Qyzylordadan Reseı astanasy - Máskeý qalasyna qatynaıtyn áýe reısi ashylǵan bolatyn.