Baıqońyrda turatyn Qazaqstan azamattaryna 250 páter salynady

NUR-SULTAN. QazAqparat - Aldaǵy 3 jyldyń ishinde Baıqońyr qalasynda turatyn Qazaqstan azamattaryna 250 páter salynady. Bul týraly Májilis depýtattarynyń saýalyna oraı QR Premer-Mınıstri Asqar Mamın jaýabynda aıtylǵan, dep habarlaıdy QazAqparat tilshisi.

QR Premer-Mınıstriniń jaýabynda, 2019 jyly «Nurly jer» baǵdarlamasy boıynsha Baıqońyr qalasynda bes 50 páterli turǵyn úı salynatyndyǵy aıtylǵan. Jáne búgingi kúni barlyq páterler qala turǵyndary - Qazaqstan azamattary arasynda bólinedi.

«2021-2023 jyldarǵa arnalǵan respýblıkalyq bıýdjet jobasynda Baıqońyr qalasy halqynyń áleýmettik osal toptary úshin turǵyn úı salýǵa 2,1 mlrd teńge kózdelgen. Onyń ishinde 2021 jylǵa – 225,2 mln teńge, 2022 jylǵa – 923,8 mln teńge, 2023 jylǵa – 951,2 mln teńge. Atalǵan qarajat aıasynda 15,3 myń sharshy metr turǵyn úıdi (250 páter) paıdalanýǵa berý josparlanýda», - dedi Asqar Mamın. Baıqońyrda turatyn Qazaqstan azamattaryna 250 páter salynady.