Baıqońyrda Syrdarııaǵa batyp ketken adamnyń denesi eki aıdan beri tabylmaı jatyr

BAIQOŃYR. QazAqparat - Qyzylorda oblysynda Syrdarııa ózenine sýǵa ketken 54 jastaǵy azamattyń máıiti eki aıdan beri tabylmaı jatyr, dep habarlaıdy QazAqparat tilshisi.

9 aqpan kúni Baıqońyr qalasyndaǵy «Maıak» sport kesheni aýmaǵynda 1968 jyly dúnıege kelgen azamat sýǵa ketken.

Ol muz ústinen ótip bara jatqan ýaqytta tilsiz jaýdyń qurbanyna aınaldy.

«Tótenshe jaǵdaılar salasynyń mamandary oqıǵa ornynda izdestirý jumystaryn júrgizip jatyr. Oǵan 2 tehnıka, 2 qaıyq pen 7 qutqarýshy jáne týystary atsalysýda. Ázirge nátıje joq», - dedi oblystyq tótenshe jaǵdaılar departamentinen.

Departament málimetinshe, jyl basynan beri alǵashqy adam sýǵa ketip otyr.

Eske salsaq, budan buryn Qyzylordada mal baǵýǵa shyqqan adam birneshe kúnnen keıin tabylǵan edi.