Baıqońyrda «Soıýz MS-22» ǵarysh kemesin ushyrýǵa daıyndyq júrgizilýde

BAIQOŃYR. QazAqparat – «Baıqońyr» ǵaryshaılaǵynda «Soıýz MS-22» basqarylatyn ǵarysh kemesin ushyrý úshin «Soıýz-2.1a» zymyran tasyǵyshyn daıyndaý jumystary jalǵasýda, dep habarlaıdy QazAqparat.

«ıÝjnyı» ǵarysh ortalyǵynyń mamandary zymyrannyń birinshi jáne ekinshi kezeńderin mehanıkalyq qurastyrýdy júzege asyrǵan soń olar ǵaryshaılaǵy ýchaskesiniń № 31 tehnıkalyq kesheniniń qurastyrý-synaý korpýsyndaǵy saqtaý ornyna jóneltildi.

Roskosmostyń baspasóz qyzmetiniń habarlaýynsha, jumystyń kelesi kezeńi - pnevmatıkalyq synaqtar, avtonomdy jáne keshendi synaqtar, eń sońynda ǵaryshtyq zymyrannyń jalpy jınaqtaý jumystary.

Eske sala ketsek, Baıqońyr ǵarysh aılaǵynan «Soıýz MS-22» basqarylatyn ǵarysh kemesi bar «Soıýz-2.1a» zymyran-tasyǵyshyn ushyrý 2022 jyldyń 21 qyrkúıegine josparlanǵan. HǴS-qa quramynda Roskosmos ǵaryshkerleri Sergeı Prokopev, Dmıtrıı Petelın jáne NASA astronavty Fransısko Rýbıo bar 68-shi uzaq merzimdi ekspedıtsııa ekıpajy attanady.