«Baıqońyrda» «Soıýz MS-18» kemesin ushyrýǵa daıyndyq júrip jatyr

BAIQOŃYR. QazAqparat – Baıqońyr ǵarysh aılaǵynda «Soıýz MS-18» kóliktik basqarylatyn kemesin ushyrý aldyndaǵy daıyndyqtary jalǵasýda. QazAqparat menshikti tilshisi bul týraly Roskosmos-tyń baspasóz qyzmetine silteme jasap habarlaıdy.

Jumystar kestesine sáıkes, synaq-montajdaý korpýsynyń jańǵyryq shyqpaıtyn kamerasynda kemeniń avtonomdy synaqtarynyń tsıkli ótkizildi. Sondaı-aq «Soıýz MS-18» kemesiniń Halyqaralyq ǵarysh stantsııasyna jaqyndaýy men túıisýin qamtamasyz etetin radıotehnıkalyq apparatýranyń qyzmetin tekserý boıynsha operatsııalar júrgizildi.

«Soıýz MS-18» basqarylatyn kemesi bar «Soıýz-2.1a» zymyran-tasyǵyshy Baıqońyr ǵarysh aılaǵynan 2021 jyldyń 9 sáýirinde ushyrylatyny josparlanǵan. Keme Halyqaralyq ǵarysh stantsııasynyń bortyna kelesi – 65-inshi negizgi ekspedıtsııanyń ekıpajyn jetkizetin bolady.

Eske salaıyq, Baıqońyrdan jaqyn ýaqytta bolatyn starttar: 2021 jyldyń 15 aqpanynda - «Progress MS-16» ǵaryshtyq júk kemesi, 28 aqpanynda «Arktıka-M» ǵarysh apparaty ushyrylady.