Baıqońyrda «Soıýz - FG» zymyran-tasyǵyshy bar «Soıýz MS-02» kemesi qurastyryla bastady

BAIQOŃYR. QazAqparat - Baıqońyr ǵarysh aılaǵynda «Soıýz MS-02» kóliktik basqarylatyn kemesin ushyrýǵa daıyndyq jumystary aıaqtalyp keledi, dep habarlaıdy QazAqparat.

Reseıǵarysh baspasóz qyzmetiniń aqparatynsha, jýyrda «Soıýz MS-02» jańa modıfıkatsııadaǵy kóliktik basqarylatyn keme bas blok quramynda ǵarysh apparattaryn montajdaý-synaý korpýsyna jetkizildi. «Soıýz - FG» zymyran-tasyǵyshy bar ǵarysh kemesiniń jalpy qurastyrylymy boıynsha tehnologııalyq sharalar kesheni búgin, 14 qazanda bastaldy.

HǴS-ǵa 49/50 ekspedıtsııa quramynyń negizgi ekıpajynda  - Reseıǵarysh ǵaryshkerleri Sergeı Ryjıkov, Andreı Borısenko jáne NASA astronavty Robert Sheın Kımbroý bar. Olardyń dýblerleri - reseılik ǵaryshkerler Aleksandr Mısýrkın, Nıkolaı Tıhonov jáne amerıkalyq astronavt Mark Vande Haı.

«Soıýz MS-02» ǵarysh kemesin 19 qazanda Astana ýaqytymen 14 saǵat 05 mınýtta Baıqońyr ǵarysh aılaǵynyń 31-shi alańynan ushyrý kózdelgen.