Baıqońyrda óz qyzyn zorlaǵan adam 15 jylǵa sottaldy
BAIQOŃYR. QazAqparat - Baıqońyr qalasynda óz qyzyn zorlaǵan ákege qatysty sot úkimi shyqty, dep habarlaıdy QazAqparat tilshisi.
Oqıǵa ótken jyldyń jaz mezgilinde bolǵan. Er adam óz qyzyna zorlyq kórsetken.
Qoǵamda qyzý pikirtalas týǵyzǵan oqıǵaǵa baılanysty tergeýdi Qazaqstan men Reseı quqyq qorǵaý organdary qatar júrgizgen bolatyn.
Osynyń nátıjesinde dálelder jınaqtaldy. Atalǵan is sotqa jiberildi.
«Aıyptalýshy qylmys ornynda qamaýǵa alyndy. Degenmen sot protsesi kezinde qyzdyń anasy óziniń bastapqy bergen aıǵaqtaryn ózgertýge tyrysty. Ol burynǵy kúıeýin qorǵaýǵa nıet tanytty. Erli-zaıyptylar oqıǵa bolǵanǵa deıin ajyrasyp ketken. Sot otyrysy bir jyldan astam ýaqytqa sozyldy. Sot barysynda dálelder berý, kýágerlerdi shaqyrýǵa nazar aýdaryldy. Barlyq dáleldemeni muqııat jáne obektıvti zerttegen Qyzylorda oblysy mamandandyrylǵan sotynyń úkimimen ol 15 jylǵa bas bostandyǵynan aıyryldy. Jazasyn qatań rejımdegi mekemede óteıdi», - dep málim etti Baıqońyr qalalyq prokýratýrasy.
