Baıqońyrda mysyrlyq EgyptSat-A spýtnıgin ushyrýǵa daıyndyq júrip jatyr

BAIQOŃYR. QazAqparat - Baıqońyr ǵarysh aılaǵynan 2019 jyly alǵashqy ǵarysh apparatynyń ushýyna bir jumadaı ǵana ýaqyt qaldy, dep habarlaıdy QazAqparat tilshisi.

Buryn habarlanǵandaı, 2019 jyldyń baǵdarlamasy merzimi birneshe ret sozylǵan mysyrlyq EgyptSat-A jerdi qashyqtyqtan zondtaý spýtnıgin ushyrýdan bastalady.

Ǵarysh aılaǵy qyzmetteriniń habarlaýynsha, Reseıdiń «Energııa» ǵarysh zymyrandary korporatsııasynda jasalǵan Mysyr spýtnıgi synaqtardan súrinbeı ótken. Ǵarysh apparaty «Fregat» blogyna turǵyzylǵan, qazir onyń bas bóligin qurastyryp jatyr. Aldaǵy aptada apparat tasymaldaýshy zymyranǵa ornatylyp, start alańyna shyǵarylady, sosyn zymyranǵa janarmaı toltyrylady.

«Fregat» blogy jáne EgyptSat-A spýtnıgin alyp ǵaryshqa ushatyn «Soıýz 2.1b» tasymaldaýshy zymyranyna 2019 jylǵy 21 aqpanda start beriledi.

Avtor: Sara Qabıqyzy