Baıqońyrda qos eldiń azamattyǵymen júrgen áıelge 612 myń teńge aıyppul salyndy

BAIQOŃYR. QazAqparat - Baıqońyr qalasynda qos azamattyqpen júrgen áıel anyqtaldy, dep habarlaıdy QazAqparat tilshisi.

Shilde aıynda QR Іshki ister mınıstrligi Baıqońyr qalasyndaǵy ókildiginiń kóshi-qon qyzmetiniń qyzmetkerleri qujat tekserý kezinde qos azamattyqpen júrgen Baıqońyr qalasynyń 26 jastaǵy turǵynyn anyqtady.

Ol Reseı Federatsııasynyń azamattyǵyn alǵanyn habarlamaǵan.

«Áıelden QR azamatynyń jeke kýáligi men pasporty qaıtaryp alyndy. Ol QR azamattyǵynan shyǵaryldy. Tártip buzýshyǵa QR Ákimshilik quqyq buzý týraly kodeksiniń 496-baby 2-bóligi boıynsha 200 aılyq eseptik kórsetkish (612 600 teńge) kóleminde aıyppul salyndy», - dep málim etti QR Іshki ister mınıstrligi Baıqońyr qalasyndaǵy ókildiginen.

Eske salsaq, budan buryn Qyzylordada tólem qabyldaıtyn 3 termınaldy urlaǵan jigittiń ustalǵanyn habarlaǵan edik.