Baıqońyrda Qazaly aýdanynyń aýyl sharýashylyǵy ónimderiniń jármeńkesi ótti
QYZYLORDA. QazAqparat - Baıqońyr qalasynda Qazaly aýdanynyń aýyl sharýashylyǵy ónimderiniń jármeńkesi ótti, dep habarlaıdy QazAqparat tilshisi.
Qazaly aýdany eńbekkerleri Baıqońyr turǵyndaryna osylaısha tolaıym tartý jasady. Aýyl sharýashylyǵy ónimderi bazardan 10-15 paıyzǵa arzan baǵamen satyp aldy.
«Bul jolǵy jármeńkede 400 keli «Qazaly» kámpıti, 4 tonna kúrish, 1,5 tonna sút jáne sút ónimderi, 300 keli jylqy eti, 2 tonnaǵa jýyq balyq, 6 tonna kartop pen kókónis ónimderi usynyldy. Munda satýshylarǵa qolaıly jaǵdaı jasaý maqsatynda arnaıy shatyrlar ornalastyryldy», - dep málim etti Qazaly aýdany ákimdiginiń baspasóz hatshysy Jeńisbek Aıymqulov.
Aýyl sharýashylyǵy jármeńkesine jınalǵan jurttyń qarasy qalyń boldy. Barlyǵy da arzandatylǵan otandyq ónimge qyzyǵýshylyq tanytty.
