Baıqońyrda Qazaqstannyń qansha azamaty jumyssyz júr

NUR-SULTAN. QazAqparat - Baıqońyr qalasynda Qazaqstannyń 1 788 azamaty jumyssyz retinde tirkelgen. Bul jaıynda Májilis depýtattarynyń saýalyna QR Premer-Mınıstri Asqar Mamınniń jaýabynda aıtylǵan, dep habarlaıdy QazAqparat tilshisi.

«Búgingi kúni Baıqońyr qalasynyń halyq sany 77 299 adamdy quraıdy, onyń ishinde 49 541-y – Qazaqstan Respýblıkasynyń azamattary.

Qazaqstan Respýblıkasynyń jáne Reseı Federatsııasynyń uıymdary men kásiporyndarynda jumys isteıtin Qazaqstan Respýblıkasy azamattarynyń sany shamamen – 11 000 adam. Halyqty jumyspen qamtý bóliminde tirkelgen Qazaqstan Respýblıkasynyń jumyssyz azamattary – 1 788 adam», - dedi Úkimet basshysy.

Onyń atap ótýinshe, 2020 jylǵa arnalǵan respýblıkalyq bıýdjet jáne 2021-2023 jyldarǵa arnalǵan respýblıkalyq bıýdjet jobasy aıasynda Qyzylorda oblysy boıynsha jalaqyny ishinara sýbsıdııalaýǵa (áleýmettik jumys oryndaryna) 1 mlrd teńge somasynda qarajat kózdelgen.

Baǵdarlama aıasynda jappaı kásipkerlikti damytýǵa – 120 adamǵa 66,7 mln teńge somasyna memlekettik granttar berildi, áleýmettik jumystarǵa – 57 adam, jastar praktıkasyna – 183 adam tartyldy, qoǵamdyq jumystarǵa – 280 adam jiberildi. Turaqty jáne ýaqytsha jumys oryndaryna 1070 adam jumysqa ornalastyryldy.

«Sondaı-aq Baıqońyr qalasy boıynsha Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasynyń qatysýshysy 800 adam boldy. Onyń aıasynda halyqty qaıta daıarlaý jáne biliktiligin arttyrý úshin qysqa merzimdi kásiptik oqytý kýrstaryna eńbek naryǵynda suranysqa ıe mamandyqtar boıynsha 10 adam jiberildi«, - dedi Asqar Mamın.