Baıqońyrda qazaqstandyqtardyń sanaǵy júrgiziledi
BAIQOŃYR. QazAqparat - 2017 jylǵy sáýirden bastalǵan Baıqońyr qalasynyń turǵyndary - Qazaqstan Respýblıkasynyń azamattaryn sanaqtan ótkizý jumystary odan ári jalǵasady, dep habarlaıdy «QazAqparat» HAA tilshisi.
Baıqońyrda turatyn QR azamattarynyń sanaǵy olardy QR mindetti áleýmettik medıtsınalyq saqtandyrý tizimine engizý maqsatynda júrgizilýde dep túsindirdi Baıqońyr qalasy ákimshiliginiń baspasóz qyzmeti.
«2017 jylǵy 3-10 sáýir aralyǵynda eriktiler 11 444 páterdi aralap, 32 008 azamattyń derekterin rastady. 2 850 páter boıynsha derekterdiń anyqtalmaýyna baılanysty 9047 azamat týraly málimet naqtylanbady. Osy oraıda eriktilerden quralǵan arnaıy jumys toby qazaqstandyqtar týraly derekterdi jınaý jumystaryn odan ári jalǵastyratyn bolady», - dep atap ótti ákimshilik.
