Baıqońyrda qazaqstandyq zeınetkerlerge sýbsıdııa berýden bas tartty
Baıqońyr qalasynyń turǵyndaryn zeınetaqymen qamtamasyz etý RF Úkimeti men QR Úkimeti arasyndaǵy RF zańnamasynyń normalary boıynsha 1996 jylǵy 27 sáýirdegi QR Baıqońyr qalasy turǵyndarynyń zeınetkerlik quqyqtarynyń kepildikteri týraly kelisimge sáıkes júzege asyrylady. 2005 jylǵy sáýirden bastap RF Baıqońyr boıynsha ZB baıqońyrlyqtardy - Reseı azamattary, Qazaqstan azamattary, ózge memleketter azamattary jáne Baıqońyr qalasynyń aýmaǵynda turatyn azamattyǵy joq tulǵalarǵa zeınetkerlik qyzmet kórsetýmen aınalysady.
Sondyqtan Baıqońyr qalasy aýmaǵynda turatyn QR azamattary, zeınetkerlerge sýbsıdııadan bas tartý sebepteri jaıly másele zańdy.
Bul ótkir máselege qalanyń qoǵamdyq ózin-ózi basqarý keńesi nazar aýdardy. Birinshi otyrys 2017 jyly taıaýda ótti.
Birjolǵy aqshalaı tólem boıynsha zeınetkerlerge túsindirip, ZQ bólimshesiniń orynbasary Gúljan Shábdirova sóz sóıledi. Ol 2017 jylǵy 1 qańtardan bastap «Zeınetaqy alatyn azamattarǵa birjolǵy aqshalaı tólem tóleý týraly» № 385- federaldyq zańy kúshine endi. Zańǵa sáıkes tólem RF aýmaǵynda turaqty turatyn jáne 2016 jylǵy 31 jeltoqsandaǵy jaǵdaı boıynsha zeınetaqy alýshylarǵa kózdelgen.
«Tólem máselesi QR azamattary bolyp tabylatyn zeınetkerler arasynda qoǵamdyq rezonans týdyrdy. Osyǵan oraı Baıqońyr q. bólimshesiniń basshylyǵy Reseı eńbek mınıstrligine júgindi. Jaýapta birjolǵy tólem zeınetaqy emes, áleýmettik tólem retinde jikteletini jáne QR men RF Úkimetteri arasyndaǵy Baıqońyr qalasy turǵyndarynyń zeınetkerlik quqyqtarynyń kepildikteri týraly kelisim, 1998 jylǵy QR men RF Úkimetteri arasyndaǵy azamattardyń áleýmettik quqyqtarynyń kepildikteri týraly kelisim negizinde júrgizilip jatqany túsindirilgen. Osyǵan baılanysty, QR azamattary bolyp tabylatyn zeınetkerler sýbsıdııa alýǵa quqyqtary joq. Búginde 500 rýbl kóleminde birjolǵy tólemdi RF azamattyǵy bar 2726 zeınetker aldy», - dep atap ótti G. Shábdirova.
Qala ákimshiligi saıtyndaǵy aqparatqa súıensek, bólimshede esepte zeınetaqy jáne birjolǵy tólem alatyn - Reseı, Qazaqstan jáne basqa da memleketter azamattarynan barlyǵy 6500-dan astam adam tirkeýde tur.