Baıqońyrda qazaqstandyq memorgandar tizbesine taǵy 10 qurylym qosylady

ASTANA. QazAqparat - Parlament Májilisiniń jalpy otyrysynda «1995 jylǵy 23 jeltoqsandaǵy Qazaqstan men Reseı arasyndaǵy Baıqońyr qalasynyń mártebesi jáne ondaǵy atqarýshy ókimet organdaryn qurýdyń tártibi men olardyń mártebesi týraly kelisimge ózgeris engizý týraly hattamany ratıfıkatsııalaý týraly» zań jobasy maquldandy, dep habarlaıdy QazAqparat tilshisi.

Hattamaǵa 2016 jylǵy jeltoqsanda Sankt-Peterbor qalasynda qol qoıyldy.

«Hattama Qazaqstannyń Baıqońyr qalasynda jumys isteıtin memlekettik organdar tizbesine qosymsha elimizdiń 10 memlekettik organdary bólimshelerin qosýdy kózdeıdi. Olardyń arasynda qazynashylyq komıtetiniń bólimshesi, jumyspen qamtý jáne áleýmettik baǵdarlamalar bólimi, Shekara qyzmetiniń bólimshesi men basqa da organdardyń bólimderi eskerilgen. Buryn bul kelisimde Baıqońyr qalasynda tek 8 memlekettik organ bekitilgen, ıaǵnı sot, prokýratýra, aeroǵarysh komıtetiniń bólimshesi, Baıqońyr keshenindegi QR Prezıdentiniń arnaýly ókili jáne basqa da organdar qamtylǵan edi» - dedi QR Tsıfrlyq damý, qorǵanys jáne aeroǵarysh ónerkásibi mınıstri Asqar JumaǵalıevA. Jumaǵalıev.