Baıqońyrda karantın sharalary 15 naýryzǵa deıin uzartyldy

BAIQOŃYR. QazAqparat – Baıqońyr qalasynda koronavırýs ınfektsııasynyń taralýyn shekteý sharalary 2021 jyldyń 15 naýryzy saǵat 00:00-ge deıin uzartyldy, dep habarlaıdy QazAqparat tilshisi.

«Karantın «Baıqońyr» kesheniniń bas memlekettik sanıtarlyq dárigeriniń jáne Baıqońyr qalasy ákimshiligi basshysynyń sheshimimen taǵy eki aptaǵa uzartyldy. ıAǵnı qoldanystaǵy shekteý sharalary kúshinde qalady», - dep habarlaıdy ákimshiliktiń baspasóz qyzmeti.

2021 jyldyń 26 aqpanyna deıin Baıqońyr qalasynda tirkelgen naýqastardyń jalpy sany 1254 adamdy quraıdy. Eki apta buryn bul kórsetkish 1223 adamdy kórsetip turǵan. ıAǵnı osy kezeńdegi ósim 31 jańa jaǵdaıdy qurady. Qazirgi ýaqytta 8 naýqas juqpaly aýrýlar aýrýhanasynda emdelýde. Adam ólimi týraly habarlanǵan joq.

Buǵan deıin habarlaǵanymyzdaı, Baıqońyrda koronavırýsqa qarsy vaktsınalaý is-sharasy júrip jatyr. Qalanyń jedel shtaby turǵyndarǵa koronavırýs ınfektsııasyna qarsy vaktsına egýdi qatań túrde usynady.

«Koronavırýs ınfektsııasyn juqtyrmaýdyń 100%-dyq kepili, ıaǵnı jalǵyz joly - vaktsınalaý. Baıqońyr turǵyndaryn jappaı vaktsınalaý qalalyqtarǵa ujymdyq ımmýnıtetti alýǵa jáne qalǵan shekteýlerdi joıýǵa múmkindik beredi», - delingen Baıqońyr qalasynyń jedel shtabynyń úndeýinde.