Baıqońyrda karantın 16 tamyzǵa deıin uzartyldy

BAIQOŃYR. QazAqparat – Baıqońyr qalasynyń aýmaǵynda koronavırýs ınfektsııasynyń taralýynyń aldyn alý boıynsha shekteý sharalarynyń rejımi 2021 jylǵy 16 tamyzda 00.00 saǵatqa deıin uzartyldy, dep habarlaıdy QazAqparat tilshisi.

Reseıdiń «Baıqońyr» federaldy bıomedıtsınalyq agenttigi kesheniniń aımaqtyq basqarmasynyń kúndelikti aqparatyna sáıkes, sońǵy ýaqytta aýrýdyń aıtarlyqtaı ósýi baıqalady.

Eger 2021 jyldyń shildesiniń basynda koronavırýs jaǵdaılarynyń jalpy sany (pandemııa bastalǵannan beri) 1465 bolsa, 21 shildede bul kórsetkish 1633-ke jetti.

ıAǵnı, ótken úsh aptada Baıqońyrda 165 adam koronavırýspen aýyrǵan. 20 shildede bir kúnde 33 KVI jaǵdaıy tirkelip, antırekord ornady.

Qazirgi ýaqytta ınfektsııalyq statsıonarda 38 adam emdelip jatyr. Sońǵy 20 kún ishinde 4 adam qaıtys boldy: Covid-19 dıagnozynan 87 baıqońyrlyq kóz jumdy.

Baıqońyr qalasynyń ákimshiligi karantındi uzartýmen qatar, óziniń jańa qaýlysymen qoǵamdyq tamaqtandyrý qyzmetin kórsetetin shaǵyn jáne orta kásipkerlik sýbektileriniń jumysyna belgilengen shekteýge ózgerister engizdi.

Qyzmetterdi tek verandalar men terrastardaǵy jabyq zaldardan tys jerde áıneksiz jáne jumys rejımin 23 saǵatqa deıin shektemeı kórsetýge bolady.

Bul rette verandalar men terrastardyń ústel arasy keminde 1,5 metr qashyqtyqta otyratyn oryndardyń jalpy sanynan 50%-dan aspaıtyn jáne kelýshilerdiń ústel basynda 4 adamnan aspaıtyn otyrǵyzylýy qamtamasyz etilýi tıis.

Qalanyń jedel shtaby Baıqońyrda buryn jarııalanǵan jáne qoldanystaǵy barlyq shekteý is-sharalary saqtalatynyn atap ótti.

Esterińizge sala keteıik, ótken táýlikte Qazaqstanda 5708 adam koronavırýs ınfektsııasyn juqtyrdy.