Baıqońyrda karantın 15 aqpanǵa deıin uzartyldy

BAIQOŃYR. QazAqparat – Baıqońyr qalasy ákimshiligi basshysynyń qaýlysymen qala aýmaǵynda koronavırýs ınfektsııasynyń aldyn alý jáne taralýyna jol bermeý boıynsha shekteý sharalary 15 aqpanǵa deıin uzartyldy, dep habarlaıdy QazAqparat.

Buǵan deıin habarlanǵandaı, Baıqońyrda karantın 2021 jylǵy 18 qańtarǵa deıin belgilengen, ınfektsııa juqtyrýǵa syrttan kelgen oqıǵalar sebep boldy.

Reseı Federaldyq medıtsınalyq-bıologııalyq agenttigi «Baıqońyr» kesheni aımaqtyq basqarmasynyń taratqan málimetine sáıkes, jańa jyl merekesindegi demalys kúnderi, ıaǵnı 2020 jyldyń 26 jeltoqsany men 2021 jyldyń 15 qańtary aralyǵynda koronavırýsty 38 qala turǵyny juqtyryp alǵan. Tirkelgen oqıǵalardyń jalpy sany 1 124 adamnan 1 162 adamǵa deıin ósti. Búginde ınfektsııalyq statsıonarda 7 adam jatyr. Sońǵy úsh aptanyń ishinde adam ólimi tirkelgen joq, pandemııa bastalǵaly koronavırýstan Baıqońyrdyń 70 turǵyny qaıtys boldy.

Baıqońyrda shekteý sharalary saqtalyp keledi. Jedel shtab qala turǵyndaryn ǵımarattardyń ishinde maska taǵý rejımin, áleýmettik qashyqtyq, sanıtarlyq erejeler men jeke gıgıenany saqtaýyn suraıdy.

Avtory Sara Kábıqyzy