Baıqońyrda kabel kesken uryny 3 jylǵa sottap jiberdi

ASTANA. QazAqparat - Baıqońyr qalalyq sotynda Qazaqstan Respýblıkasy QK-niń 188-babynyń 3-bóligimen aıyptalǵan Sh-ǵa qatysty qylmystyq is qaraldy, dep habarlaıdy Qyzylorda oblystyq sotynyń saıty .

Sottalýshy Sh. bótenniń múlkin urlaý maqsatynda,  Baıqońyr ǵarysh aılaǵyndaǵy ornalasqan qoımaǵa zańsyz kirip, «KPVB-0 52*2,5 mm2» markaly uzyndyǵy 831,6 metr kabeldi kesip jınap alǵan. Ony Reseı Federatsııasynyń Baıqońyr keshenindegi ІІB-niń polıtsııa qyzmetkerleri  ustaǵan. Jábirlenýshige 4 536 767 teńge kóleminde múliktik zalal keltirilgen.

Sot úkimimen sottalýshy Sh. Qazaqstan Respýblıkasy QK-niń 188-babynyń 3-bóligimen kináli dep tanylyp, múlki tárkilenip, 3 jyl merzimge bas bostandyǵyn aıyryldy.

Úkim zańdy kúshine enbegen.