Baıqońyrda ınfraqurylymdy damytý jobalary júzege asady
Bıyl Baıqońyr qalasyn damytý maqsatynda jol kartasy ázirlendi. Atalǵan jobalar qalanyń áleýmettik-ekonomıkalyq máselelerin damytýǵa jáne turǵyndardyń ómir súrý deńgeıin arttyrýǵa arnalǵan. Sondaı-aq, Baıqońyr qalasynda turatyn Qazaqstan azamattarynyń turǵyn úılerin jekeshelendirý, ınfraqurylymyn qaıta jańartýǵa, jańa turǵyn úı salýǵa baǵyttalǵan jobalar men baǵdarlamalar júzege asyrýǵa mán berilgen.
«Atalǵan jobalar boıynsha sý burý júıeleri qaıta jańartyldy. Sondaı-aq, «Nurly jer» baǵdarlamasy boıynsha kóppáterli turǵyn úı qurylysy júrgizilýde. Buǵan qosa, Baıqońyrda jumys isteıtin bilim berý jáne densaýlyq saqtaý salasyndaǵy mamandardyń sanyn kóbeıýde. Sonymen qatar, qalanyń oıyn-saýyq jáne týrıstik áleýetin arttyrý úshin álemdik standarttaǵy qonaq úı keshenin ashý úshin qazaqstandyq ınvestorlar tartýdamyz. Ol jańa jumys oryndaryn ashýǵa múmkindik beredi»,-dedi QR Prezıdentiniń «Baıqońyr» keshenindegi arnaýly ókiliniń qyzmetin qamtamasyz etý basqarmasynyń basshysy Jasulan Abatov.