Baıqońyrda ǵaryshqa ushýdyń 50 jyldyǵyna oraı marafon uıymdastyryldy
QYZYLORDA. 13 sáýir. QazAqparat /Jańagúl Serdaly/ - Qyzylorda oblysy Baıqońyr qalasynda adamzattyń ǵaryshty ıgergeni men ǵaryshker ıÝrıı Gagarınniń kókke samǵaǵanyna 50 jyl tolýyna oraı marafondyq qashyqtyqqa júgirý jarysy ótti.
Bul joly qashyqtyq klassıkalyq úlgidegideı emes, 33,5 shaqyrymdy qurady. Jarys qorytyndysynda Qyzylorda qalasynyń komandasy birinshi oryndy jeńip aldy. Budan keıingi eki orynǵa Baıqońyrdan qatysqan eki qurama ornalasty. Jalpy, bul júgirýge Qazaqstan men Reseıdiń Qyzylorda, Qaraǵandy, Sankt-Peterbýrg, Qazan, Kırov syndy qalalarynan 19 júırik qatysty. Jekeleı synda qazandyq Sergeı Rodygın máre syzyǵyn birinshi, sanktpeterbýrgtik Dmıtrıı Týngýskov ekinshi, qyzylordalyq Almas Saǵynbaev úshinshi bolyp qıdy.
