Baıqońyrda ǵarysh aılaǵy alańynan mys ónimderin urlaǵandar ustaldy
BAIQOŃYR. QazAqparat - Baıqońyrda ǵarysh aılaǵy alańynan mys ónimderin urlaǵandar ustaldy, - dep habarlaıdy QazAqparat tilshisi.
Polıtsııaǵa Baıqońyr ǵarysh aımaǵynyń alańynan 30 kelige jýyq mys ónimderiniń urlanǵandyǵy jóninde aryz tústi. Polıtseıler dereý jedel-izdestirý jumystaryna kiristi. Atalǵan urlyqty jasaýǵa kúdikti retinde Baıqońyr qalasynyń eki turǵynyn ustady.
«Olarǵa qatysty QR Qylmystyq kodeksiniń 188-babynyń 2-bóligimen (Urlyq) sotqa deıingi tergep-tekserý amaldary bastaldy. Polıtseıler kúdiktilerdiń osyǵan uqsas basqa da qylmystarǵa qatystylyǵyn tekserip jatyr», - dep málim etti Qyzylorda oblystyq polıtsııa departamentiniń baspasóz qyzmeti.
Sondaı-aq, Qyzylordada altyn urlaǵan áıel qolǵa tústi.
