Baıqońyrda eki apta ishinde 23 adam COVID-19 juqtyrdy

BAIQOŃYR. QazAqparat - Sońǵy eki aptada Baıqońyr qalasynda koronavırýs ınfektsııasyn juqtyrǵandar tirkeldi, dep habarlaıdy QazAqparat tilshisi.

Reseı Federaldy medıtsınalyq-bıologııalyq agenttigi «Baıqońyr» kesheni aımaqtyq basqarmasynyń basshysy – «Baıqońyr» kesheniniń bas memlekettik sanıtarlyq dárigeri Andreı Popovtyń aıtýynsha, 2022 jyldyń 16 naýryzynan 7 shildesine deıin qalada koronavırýs aýrýy tirkelgen joq.

Resmı statıstıkaǵa sáıkes, 2022 jylǵy 16 naýryzdaǵy jaǵdaı boıynsha Baıqońyr qalasynda pandemııa bastalǵaly beri SARS-CoV-2 koronavırýs ınfektsııasynyń 3 789 jaǵdaıy tirkeldi. 7 shildeden bastap aýrýshańdyq ósimi baıqaldy. 2022 jylǵy 22 shildedegi jaǵdaı boıynsha bul kórsetkish 3812 jaǵdaıǵa deıin ósti. ıAǵnı, eki aptada 23 Baıqońyr turǵyny aýyryp qaldy.

«Baıqońyr» kesheniniń bas sanıtarlyq dárigeriniń boljamy boıynsha, aýrý sanynyń artýy, ıaǵnı sharyqtaý shegi kúnine shamamen 30-45 jaǵdaı anyqtalǵan kezde, onynshy tamyzǵa taman bolady.

«Eger epıdemıologııalyq protsess osy múmkin sheńberden shyqpasa, sondaı - aq naýqastar arasynda ınfektsııanyń aýyr túrleri az bolsa, qatań shekteý sharalaryn engizbeýge bolady», - dedi A.Popov.