Baıqońyrda destrýktıvti aǵymdy ustanýshy sottaldy

BAIQOŃYR. QazAqparat - Baıqońyr qalasynda áleýmettik jeli arqyly dinı alaýyzdyqty qozdyrýǵa baǵyttalǵan destrýktıvti dinı aǵymdy ustanýshy sottaldy, dep habarlaıdy QazAqparat tilshisi.

Ol bıylǵy jyldyń qarasha aıynda áleýmettik jelilerde dinı alaýyzdyqty qozdyrýǵa baǵyttalǵan ýaǵyzdar taratýmen aınalysqan.

Jedel izdestirý is-sharalarynyń nátıjesinde destrýktıvti dinı aǵymdy ustanatyn jergilikti turǵyn qolǵa tústi.

«Atalǵan derek boıynsha QR Qylmystyq kodeksiniń 174-babynyń 1-bóligimen sotqa deıingi tergep-tekserý amaldary júrgizildi. Onda áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý jaǵdaıy kórsetilgen. Onyń kinási tolyǵymen dáleldendi. Baıqońyr qalalyq sotynyń úkimimen oǵan 3 jyl 5 aı merzimge bas bostandyǵynan shekteý jazasy taǵaıyndaldy», - dep málim etti Qyzylorda oblystyq polıtsııa departamentiniń baspasóz qyzmeti.