Baıqońyrda aýyl sharýashylyǵy ónimderiniń jármeńkesi ótti
BAIQOŃYR. QazAqparat – Qyzylorda oblysy Qarmaqshy aýdany ákimidiginiń uıymdastyrýymen Baıqońyr qalasynda aýyl sharýashylyq ónimderiniń jármeńkesi ótti, dep habarlaıdy aýdan ákimdiginiń baspasóz qyzmeti.
50 tonnaǵa jýyq aýyl sharýashylyq ónimderi 35 avtokólikpen bazar baǵasynan 15-20 % tómen baǵada tutynýshylarǵa usynyldy.
Jármeńkege shyǵarylǵan ónimderdi atap aıtsaq, kúrish, kartop, jýa, sábiz, qyryqqabat, asqaqbaq, qarbyz, qaýyn, kondıter ónimderi men makaron ónimderi, balyq túrleri satylymǵa shyǵaryldy.
Aýdandyq aýyl sharýashylyǵy bólimindegi jármeńkeni uıymdastyrýshylardyń aıtýynsha, kúrish pen balyq ónimderine suranys joǵary boldy.
Aldaǵy ýaqytta da qalada baǵany turaqty saqtaý maqsatynda mundaı sharalar jalǵasyn tabatyn bolady.
