Baıqońyrda atqarýshy ókimet organdaryn qurý tártibi týraly kelisimge ózgeris engizildi

NUR-SULTAN. QazAqparat - Qazaqstan Reseımen aradaǵy Baıqońyrda atqarýshy ókimet organdaryn qurý tártibi men olardyń mártebesi týraly kelisimge ózgeris engizý týraly hattamany ratıfıkatsııalady, dep habarlaıdy QazAqparat Aqordaǵa silteme jasap.

QR Prezıdenti Qasym-Jomart Toqaev «1995 jylǵy 23 jeltoqsandaǵy Qazaqstan Respýblıkasy men Reseı Federatsııasy arasyndaǵy Baıqońyr qalasynyń mártebesi jáne ondaǵy atqarýshy ókimet organdaryn qurýdyń tártibi men olardyń mártebesi týraly kelisimge ózgeris týraly hattamany ratıfıkatsııalaý týraly» Qazaqstan Respýblıkasynyń Zańyna qol qoıdy.

Zańnyń mátini baspasózde jarııalanady.