Baıqońyrda arandatýshylyq sıpattaǵy jalǵan aqparat taratqan adam anyqtaldy

BAIQOŃYR. QazAqparat - Baıqońyrda áleýmettik jelidegi paraqshasynda arandatýshylyq sıpattaǵy jalǵan aqparat taratqan adam anyqtaldy, dep habarlaıdy QazAqparat tilshisi.

Qazirge deıin óńirde tótenshe jaǵdaı kezinde 240 quqyq buzýshylyq deregi tirkelgen. Onyń ishinde sot sheshimimen 11 quqyq buzýshyǵa eskertý berilse, 47-ne aıyppul salyndy, 157-i ákimshilik qamaqqa alyndy. Al QR Ákimshilik quqyq buzýshylyq týraly kodeksiniń 488-baby boıynsha elimizde beıbit jınalystardy uıymdastyrý jáne ótkizý tártibi týraly zańnamasyn buzdyń 84deregi anyqtaldy.

Sot sheshimimen 2 quqyq buzýshyǵa eskertý berilse, 11-ne aıyppul, 84 ákimshilik qamaqqa alý túrindegi tártiptik sharalary kórildi.

Áleýmettik jelilerge monıtorıng júrgizý barysynda Baıqońyr qalasynyń turǵyny óziniń áleýmettik jelidegi paraqshasynda arandatýshylyq sıpattaǵy jalǵan aqparat taratqan. Oǵan qatysty QR Ákimshilik quqyq buzýshylyq týraly kodeksiniń 478-babynyń 1-bóligimen (Tótenshe jaǵdaı kezinde quqyqtyq tártipti buzýǵa ıtermeleıtin áreketter) ákimshilik hattama is-qujattary rásimdeldi.

Oǵan Baıqońyr qalalyq soty sheshimimen «eskertý» túrindegi ákimshilik jazasy taǵaıyndaldy. «Oblys turǵandaryna «Jalǵan aqparattardy taratý faktilerin anyqtaý úshin kún saıyn áleýmettik jelilerge monıtorıng jasalyp, arandatýshylardy anyqtaý jumystary únemi júrgiziletinin eskertemiz.

Tótenshe jaǵdaı rejımi kezindegi talaptardyń saqtalýyn qadaǵalaý maqsatyndaǵy jumystar jalǵasýda», - delingen polıtsııa departamentiniń habarlamasynda. Eske salsaq, Qyzylordada biryńǵaı baılanys ortalyǵyna tótenshe jaǵdaı kezinde 70 myń qońyraý túsken.